بالفيديو والصور.. سما المصري تزور قناة السويس الجديدة: "إنجاز عظيم"
نشرت سما المصري، مجموعة من الصور وفيديو من رحلتها أمس لقناة السويس، التي وصفتها بالجميلة، مشيدةً بأهل ميدنة الإسماعيلية.
وكتبت المصري، عبر حسابها على موقع مشاركة الصور الشهير "انستجرام"، قائلًة: "رحلة جميلة في قناة السويس الجديدة الجميلة مع أصدقائي الجمال بمدينة الجمال والنظافة والقلب الطيب مدينة الإسماعيلية لازم الكل يزورها زيارتها سهلة وأي حد يزورها مفهاش مشكلة".
سما المصرى تزور قناة السويس الجديدة
وتابعت :" أحلى فرحة فرحتي بالإنجاز العظيم دا والتحدي بتاع رجالتنا إزاي قدروا في سنة واحده حفر القناة العظيمة دي شيء مشرف لأي مصري، ياريت الكل يروح يزور القناة بجد فخر الصناعة المصرية وصرح عظيم لايمكن حد يعمله غير المصريين، والأجمل هو شعب الإسماعيلية الرائع في كل حاجة بجد ماكنتش عايزه أرجع من هناك، ومن اللخبطة وفرحتي بوجودي في القناة قلت على السفن مراكب وهي سفن بتعدي في القناة مش مراكب...كنت بجد فرحانه موت بالقناة العظيمة دي وبشعب أعظم هو شعب الإسماعيلية".
سما المصرى تزور قناة السويس الجديدة
وأضافت المصرى: " كنت هاقع وأنا ع المعدية في قناة السويس الجديدة بالإسماعيلية بس الحمد لله...بجد ياجماعة لازم تزوروا القناة الجديدة الزيارة سهلة وممكنة لكل المصريين، بصراحة حاجة مشرفة وعظيمة جدا...غير شعب إسماعلية الجميل مش عايزة أحكلكم عليهم وعلى جمالهم وكرمهم، إن لم أكن شرقاوية لتمنيت أن أكون إسماعلاوية....حبتهم موت".
