حرض المنتج محمد محمود عبد العزيز، على توجيه الشكر إلى كوكبة الفنانين المشاركين في مسلسل "الأب الروحي" وعلى رأسهم الفنان محمود حميدة، وذلك عبر حسابه على موقع تبادل الصور انستجرام.

وكتب محمد محمود عبد العزيز: "العمل الوحيد اللي للأسف ما قدرتش أحضر أيام تصويره نظرًا لظروفي اللي الدنيا كلها بقت عارفاها الحمد لله على كل حال، الحلم الحمد لله حصل زي ما تخيلناه أنا و أخويا الكبير ريمون".

وأضاف محمد عبد العزيز: "النهارده حابب أشكر كل النجوم اللي شاركوا في الأب الروحي واللي وجودهم أكيد أضاف كتير للعمل، وعلى رأسهم عمي اللى يارب يكون عارف أنا بحبه قد أيه أستاذ محمود حميدة ربنا يخليك ويطول في عمرك، وحابب أشكر كل الوجوه الجديدة اللي إن شاء الله ينتظرهم مستقبل كبير واللي إن شاء الله هيبقوا نجوم بفضل ربنا وحب حضراتكم ودعمكم ليهم".

وأشار قائلاً: "بشكر المؤلف المجتهد هاني سرحان ومدير التصوير المتميز حسين عسر والمخرج الرائع بيتر ميمي، وبشكر رجالة فنون مصر اللي كانوا واقفين وقفة رجالة بجد ورجالة الإنتاج طبعًا، وطبعًا لن أنسى الجنود المجهولين وهم كل فنيين المسلسل في جميع الاختصاصات، تسلم إيديكوا كلكوا وإن شاء الله روح الحب اللي بيننا كلنا هتوصل للناس وهيحبوا العمل ويصدقوه زينا بالظبط".

محمد محمود عبد العزيز يشكر الفنانين المشاركين فى مسلسل الأب الروحى