أثارت زيارة سامح شكري وزير الخارجية، لإسرائيل جدلًا واسعا بين رواد مواقع التواصل الاجتماعي، حيث استنكارهم تجاه الزيارة وتابعيتها.

فقال أحد المعلقين، "مش فاهم مذهولين ليه من زيارة شكري لنتنياهو ده على أساس إنهم كانوا مقاطعين بعض قبلها "، وتعاقبت التعليقات على هذا المنشور من بينها" أيوة إحنا بنتبهدل والناس هتقولك ده بيتقي شرهم عشان سد النهضة والمشاريع الإسرائيلية في أثيوبيا طب بدل ما نروح إسرائيل نعمل زيها ونستغل الضعف الإفريقي، ونعمل مشاريع هناك وناخد حقنا بطريقه ذكية ولعب أقوى".

فيما أعترض البعض على موقف الوزير، قائلة: "أنا مش متفاجئة إلا من موقف سامح شكرى المتناقض مش ده اللي رمى مايك الجزيرة أكتر من مرة علشان قطر متعاونة مع إسرائيل أدي زار إسرائيل نفسها أهو !."

وتجلى رأى أخر: " لست ضد العلاقات مع اسرائيل والتفاهم بشأن بعض القضايا العرب اللي قاطعونا بسبب إتفاقية السلام بيلهثوا ورا إسرائيل واحنا ممنوع علينا التفاهم معاهم رغم أهمية ذلك في كثير من الاحيان لمصالحنا فلنقاطع للمصلحة ونصالح للمصلحة".
وسيظل الوضع كما هو عليه إلى أن تتجلى الحقيقة وراء زيارة سامح شكري لإسرائيل أو عند زيارة نتنياهو لمصر.