نشرت الإعلامية إيمان رياض، صورة من مشهد مسلسل" نصيبي وقسمتك" الموسم التاني عبر حسابها الشخصي بموقع تبادل الصور والفيديوهات الشهير"إنستجرام".

وعلقت على الصورة قائلة: فى مشهد من مسلسل نصيبى وقسمتك حكاية نظرة فإبتسامة حبيته أوى واحب اعلق عليه بنت بتحكى عن نفسها ان عمر ما راجل لمسها وبتقول انها كانت محجبة وخروجاتها عادية كافيهات وكدة وفى الوقت ده ما كانش راجل بيبصلها وكأنها هوا..قررت تقلع الحجاب وتلبس عريان وسكسي وتسهر وتشرب علشان تلفت الانتباه.. وبالفعل الرجالة هتموت عليها لكن برضه عند الجواز بيخلعوا وسألت حبيبها هو انتم الرجالة عايزين ايه بالظبط" !! بصراحة ضحكتنى ووجعتنى فى نفس الوقت وجعتنى علشان فى بنات كتير زيها كدة وصعبانين عليا علشان بعدوا عن الفكر الصحيح شوفي بقى طول ما انتى بتفكرى وبتخططى ازاى تجيبى راجل وتتجوزيه طول ما انتى هتوهي اكتر وهتبعدي عن نفسك ومش هتوصلي لحاجة، كوني انتى اعرفى الطريق الصح وامشي فيه وبدل ما التارجت بتاعك راجل اللى عادى جدا ممكن يخزلك خلي التارجت بتاعك ربنا اللى عمره ما هيخزلك وهو رب العباد اللى قادر يسخرلك العباد ويراضيكى ووقتها هتحسي ان مش فارق معاكي الراجل اللى مش عاجبه احتشامك بل بالعكس انتى اللى ترفضى راجل كل همه يتمنظر بيكى ويتبسط"

وأختمت: اعرفى ان الجواز هيجي لوحده لو نصيبك، واعرفي ان الجواز مش هدف ده وسيلة زى وساءل كتيرة ممكن تكون سبب فى الطريق المستقيم اللى اخرته جنة عرضها السموات والارض وممكن تكون سبب لعذاب فى الدنيا وفى الاخرة الخلاصة مفيش راجل يستاهل تبعدي عن ربنا علشانه ومفيش راجل ينفع تحبيه اكتر من ربنا".