وجه الرئيس الرئيس عبد الفتاح السيسي، عدد من الأسئلة اللواء خالد عبد العال محافظ القاهرة، تتعلق بدخل المحافظة والمنشآت التي تمت من كبارى ووحدات إسكانية، ولم يتمكن المحافظ من الاجابة عليها، وذلك خلال افتتاح مشروع الإسكان الاجتماعي أهالينا 1.

وعندما عجز المحافظ عن الاجابة عن الاسئلة قال له الرئيس السيسي: "انا مقصدش بكدة حاجة لأن أنت هتقعد مع ناس مواطنين وعايز تتكلم معاهم لما تيجى تتكلم معاهم لازم تبقى عارف راسك من رجليك فكل شئ .. واعمل من اللي انا عارفه ده سياق اتكلم معاهم فيه؛ خلوا بالكوا أنا عندي كذا وبكسب كذا وبصرف كذا وبعمل كذا والدولة عملت كذا وانا عملت كذا وده اقصى حاجة عندنا .. طب مش عاجبنا .. مهو ده اقصي حاجة عندنا .. انما لو انا معملتش كدا مش بقصدك انت والله انا بقصد كل زمايلنا اللي بيتكلموا مع الناس".

وتابع الرئيس: "طب خلى اى حد فمصر يتكلم معايا مش عشان حاجة حافظها عشان ارد .. عشان محدش يقولي كلام مترتب كده وهو ده الحقيقي لا طبعا مش حقيقي بدليل اللي احنا بنورهلكوا ده .. فلابد أن المسؤول يبقي عنده سياق لوظيفته عملنا وعملنا وبنعمل وبنعمل والفلوس اللي معايا كذا والمنتظر كذا .. ده من ضمن مكملات وظيفتنا في ظل ظروف منطقتنا واللي حصل فيها فى 2011 وغضب الناس جزء كبير منه اننا مكنش عندنا سياق للواقع نتكلم فيه مع الناس ونقول الحكاية ايه وجايا ليه وليه وصلنا لكده، ان مكناش احنا واخدين بالنا من حالنا هيحصل تاني كده".