طالب الإعلامي كريم الحميدي بتقليل عدد أيام الإجازات الرسمية التي يحصل عليها المواطنون خلال العام.

وتابع «الحميدي»، في برنامج «بمنتهى البساطة» على إذاعة «نجوم إف إم»، مساء الأحد: «إحنا عندنا إجازات كثيرة أوي خلال العام، ولو عايزين نتطور ونكبر زي أوروبا ويبقى مصدر دخلنا كبير وحياتنا كريمة، لازم نراجع السنة بتاعت الأجانب ونشوف عندهم إجازات بتاعت الأعياد قد أية».

وأردف: «في ناس مبتروحش شغلها غير يومين ولما بتروح مش بتشتغل، الناس اللي تأخذ إجازات كثيرة خلال العام بدلهم عمرها مش بتتقدم»، مضيفًا: «مع ما تمثله رأس السنة الهجرية من قيمة عظيمة في ديننا، ولكن ليه نأخذ إجازة، وحتى لو أخدنا إجازة ليه منعملش حاجة مفيدة».

وأكد «الحميدي» أن «البلد دي عمرها ما هتتعدل طول ما أحنا ماشيين بالطريقة دي، وأحنا بنربي جيل بطريقة هيدمر البلد وهيخلص عليها تمامًا».

وتابع: «محدش استفاد من أسبوع المدارس اللي دخلناه ده، وفي الإجازات كل المصالح توقف يعني لو حد عيان مينفعش يتعالج، ولو في فلوس محدش يعرف يأخذها وغيرها».