تداول نشطاء موقع التواصل الاجتماعى "فيسبوك" "أطرف موقف" يمكن أن يحدث فى شهر رمضان ما بين ضابط مرور، وسائق تاكسى، حيث روى مينا فهمى، الذى رافق السائق فى هذا الموقف ما رآه على صفحته الشخصية على الشبكة الاجتماعية قائلًا:
"من كام يوم وتحديدا عند قسم الساحل شارع شبرا.. شوفت أكتر موقف معرفتش أمسك نفسى فيه من الضحك قدام لجنة وضابط.. راكب مع تاكسى شاب صغير فى أواخر العشرينات وداخلين عند قسم الساحل لقيت زحمة.. والغريبة أن الكمين فى الحتة دى بيبقى بالليل بس عمره ما وقف وقت الفطار يعنى".

وتابع فهمى: "المهم وقفنا وبنعدى لقيناهم بيوزوعوا تمر وفطار للناس اللي صايمة لأنه وقت الفطار في السواق وهو معدي من جنب الضابط.. الضابط: (وشه ناسف جدا) رمضان كريم.. خد وعدى وادي الأستاذ اللحى جمبك.. السواق: لا يا باشا شكرا.... مبحبش التمر هفطر فى بيتنا بقى.. تسلم (وهو بيمشى مبتسم)".
وأضاف : "الضابط: استنى استنى.... يعنى إيه مبتحبش التمر.. بقولك خد (قلب وشه أكتر).. السواق: مش عايز والله يا باشا (حس بقلق).. أنا: معلش يا باشا رمضان كريم هاخد أنا طيب (بحاول أهزر)..الضابط: بس يا أستاذ.. خد كيس التمر من إيدى.. السواق: والله ما عايز يا باشا إيه المشكلة.. الضابط: اااه.. طب اقفلى على جنب.. (طبعا الضباط اتلمت فى إيه ده إحنا بنعمل خير يعنى إيه اللى حصل).. ( نزل السواق وبعلو حسه قبل ما يتلموا عليه).. السواق: مبحبش التمر.... والله العظيم ما بحب التمر.... مش علشان أحب مصر والجيش والشرطة لازم اخد تمر... والرخص اهيه يا باشا".