واكد مجدي الهواري على حسابه الرسمي بموقع تبادل الصور والفيديوهات الشهير "إنستجرام"، أن أداء روبي في المسلسل رائع، معبرًا عن إعجابه الشديد بأدائها.

ونشر صورة الفنانة روبي على بوستر المسلسل، معلقًا "سؤال محيرني .. هي ليه حد بحجم موهبة روبي في التمثيل مش واخده حقها عندنا !! يمكن علشان ما بدأتش بالأعمال العظيمة زي فاتن حمامة ولا زي الساحرة سعاد حسني وكتير كتير هنا وبره جاتلهم الفرصة من اول يوم ولاعلشان الانطباع الاول بيفضل مسيطر !!!". 

وأضاف الهواري: "من وجهة نظري ديه لو بره وبحجم موهبتها ديه وسنها الصغير ده ممكن تبقي واحدة من الكباراوي..وخالص.. لانها صوت وصورة وإحساس وطعم معندناش زيه.. وزي #العالميات وكتير منهن!! مش عايز اذكر حد من هنا علشان مبقاش الدبة اللي كلت صاحبها وبدل ما البوست ده يبقي في مصلحة روبي يتحول ضدها لو جبت سيرة حد من عمالقة النجمات 🤭في العقود الاخيرة من تاريخ الفن المصري".

اقرأ أيضًا: صورة| غيرة الفنانين.. هذا ما فعلته لقاء الخميسي بعد روبي

وتابع: "مقارنة لا قدر الله ولا سمح الله ولا حاجة اللي كلهم كانت بدايتهم مش جامدة خالص وتألقوا بعد كده وأثبتوا أنهم موهبين زي روبي في المسلسل اللي بيتعرض دلوقتي ومحدش كتير واخد باله منه.. وسحر التمثيل اللي بتمثله وإزاي بيفصلك عن عملك وصناعتك وتطير معاها بإحساس موهوبة إلي عالم التصديق!!".