تنشر بوابة المواطن الإخبارية، أغنية جعان أوي لـ إسماعيل ياسين من فيلم البطل تأليف أبو السعود الإبياري، أحد أبرز من ساهموا في صنع أغاني سمعة الكوميدية

جعان أوي أوي
خاويان أوي أوي
مش لاقي لقمة ملـدّنة
ولا حتى عضمة حنيـّـنة
جعان أوي
جعان أوي أوي

المعدة خاوية منفضة
نظرة يا حاتي لمعدتي
لو ربع رطل يكون رضا
يسند لي مـُـصران حضرتي
واقع ومش لاقي اللضا
قربت آكل جتتي
البطن ناشفة موأوأة
أأي أأي أي أو أي
عصافيرها نازلة زقزقة
أأو أأو أي أي أي
جعان أوي أوي
خاويان أوي أوي
مش لاقي لقمة ملـدّنة
ولا حتى عضمة حنيـّـنة
جعان أوي
جعان أوي أوي

إقرأ أيضا :ـ إسماعيل يس في الأسطول.. ضحك حتى الموت

لقيت لي فرخة محمرة
حالاَ هآكلها كلها
لو انها متسمرة
لكن هامصمص عضمها
هتخللي بطني معمرة
بكعبها وبنعلها
فرخة لذيذة محبشة
متلمعة ومتوّرنشة
جعان أوي أوي أوي
جعان أوي أوي أوي