- محمود، هى دى الإنسانة اللى هتدخلها ف العيلة ؟!

- عيلة إيه وهباب إيه ! إحنا عملنا نفسنا بنفسنا، لا كنّا ولاد بشوات ولا كنّا ولاد بهوات، عيلة إيه وكلام فارغ إيه !

- كده ! طب تعالى نقلب الموقف، وحط نفسى أنا مطرحك، إفرض إن أنا جتلك ف يوم من الأيام وقلتلك إن أنا هتجوز الطباخ اللى عندى، هتوافق ؟!

- لو كان هو الإنسان اللى يقدر يسعدك ويوفرلك راحتك طبعا هوافق

- راحتى ! قصدك إيه براحتى دى ؟! الفطار والغدا والعشا ؟! لا ده له ناس مخصوصة، إنما الجواز حاجة تانية، يا محمود الجواز مشاركة، لازم تختار الإنسانة اللى تبقى على مستواك الفكرى، تشاركك حياتك وتبقى فخور بيها قدام الناس

- إنتى اللى بتقولى الكلام ده ؟! رغم المدة الطويلة اللي عشتيها ف أوروبا ! رحتى ورجعتى وأفكارك زى ما هى

- أفكارى تمنع إنها شغالة ف البيت ؟!

- متقوليش شغالة

- هى دى الحقيقة هتهرب منها فين ! يا محمود إحنا عايشين ف مجتمع، والمجتمع ده له أصول

- المجتمع نظرته إتغيرت

- متغيرتش !

اقرأ أيضا| كلمة في مشهد|الحب انا بعتبره اجمل حاجه بحياتي..تعتبريه انتي غلطه