وجه الرئيس عبد الفتاح السيسي، كلمة لأسر الشهداء، خلال مشاركته حفل تخريج دفعة جديدة من كلية الشرطة، اليوم الاثنين، قائلًا: "هبدأ كلمتي بكلمة لأسر الشهداء، وكلامي ليهم كله احترام و محبة وتقدير للعطاء اللي اتقدم لاجل خاطر بلادنا و شعبنا، وعاوز أقول لأسر الطلاب المتواجدين، اوعوا تفتكروا ان الدماء اللي قدمت و الأرواح اللي راحت عند ربها تمنها بسيط، بل في رقبتنا احنا كمصريين وعند شعب مصر كله".

واستكمل الرئيس السيسي، خلال حديثه لأسر طلاب كلية الشرطة، قائلًا: "خالي بالكم ان دماء الشهداء من كل القطاعات كانت سبب في اللي احنا موجودين فيه دلوقتي كان تمنه أرواح ودماء أبناء وبنات مصر وكان تمنه غالي.. وكان تمنه حماية تأمين و استقرار أكتر من 100 مليون مصري مش بس في أمانهم وسلامهم بل أيضا في مستقبلهم، البلد لو كانت راحت،  مكنش هيكون في مستقبل لحد خالص.. أحنا معاكم وقبل ما نكون معاكم ربنا معاكم"، مضيفًا: "وخالي بالكم الشهيد عند ربنا حاجة جميلة اوي".

وطمأن الرئيس السيسي، المصريين خلال كلمته، قائلًا: "الأمور الحمدلله رب العالمين اتحسنت كتير اوي و بفضل الله سبحانه و تعالى  الحمدلله احنا في مكان كويس اوي و لسه.. بفضل رجال الشرطة و الجيش وكل قطاعات مصر".

واستكمل: المطلوب مننا نعمل اكتر من كده كمصريين عشان نقدم من جانبنا  الوفاء لهذه الدماء المصرية اللي استشهدوا، وكل التقدير التحية و الاحترام و المحبة لارواح شهدائنا و المصابين ولأسرهم"، مختتمًا حديثه: " لن ننساكم ابدًا".

وشهد الرئيس عبد الفتاح السيسي، صباح اليوم الاثنين، حفل تخرج دفعة جديدة من طلاب كلية الشرطة لعام 2022، وذلك بحضور وزير الداخلية، وعدد من رموز الدولة.

اقرأ أيضًا: السيسي يرقي قائدي القوات البحرية والجوية ويوجه التحية لأسر الشهداء