«أرجل الفراخ» تتصدر محركات البحث.. المتابعون: «سعرها هيزيد وهيعدي تمن الفرخة نفسها»
الأحد 25/ديسمبر/2022 - 10:00 ص
إيمان حسين
طباعة
انشغل الرأي العام في الساعات الأخيرة، بأرجل الدجاج وفوائدها كبديل غذائي غني بالبروتين، بعد ارتفاع أسعار الدواجن بداية شهر ديسمبر الجاري.
وشهد تصدر «أرجل الفراخ» لمؤشرات البحث في جوجل حالة من الجدل بين رواد شبكات التواصل الاجتماعي.
وترصد «بوابة المواطن» ردود الأفعال حول تصدر أرجل الفراخ التريند كما يأتي:
دون مصطفى أحمد، من الجيزة، منشوراً عبر حسابه على فيسبوك قائلاً: «بعد حوار البيض المخصب ده قاطعت البيض عموماً، وشكلي كده هقاطع الفراخ كمان بعد موضوع أرجل الفراخ ده»
«القطط تأكل ايه»
وعلق حساب عبر الفيسبوك تحت اسم «توت عنخ آمون»، «فجاة وبدون مقدمات أصبحت أرجل الفراخ فيها كل الفيتامينات، طب لما احنا هناكل الأرجل، القطط والكلاب هتاكل أيه، أنا عندي قط، تفتكروا ممكن يفكر ياكل رجلي أنا، علشان انا أكلت أكله »
كما سخر جلال قريطم، في منشور له عبر حسابه الشخصي على فيسبوك قائلا: «شكاوي من أصحاب ومحبي الكلاب والقطط بسبب ارتفاع اسعار أرجل الفراخ إلي 25 جنيه».
بتر أرجل الفراخ
وعلق عبد الحميد فراج قائلاً «بعض المواقع بتكتب عن فوائد أرجل الفراخ، وعظمة البروتين، واسأل كريستيانو عن الجيلاتين اللي فيها و رخيصة و زي الفل، طب سؤال رفيع لو سمحتوا، الرجول كانت متوفرة لما كان السحب على الفراخ كتير، دلوقت مفيش سحب على الفراخ، هنجيب الرجول منين هنعمل، عمليات بتر للفراخ في القفص مثلا».
الكلمات المفتاحية
