ملامح مصرية صعيدية أصيلة، وبساطة وطيبة جعلتها من أشهر السيدات اللواتي يخبزن العيش والفطائر والرقاق، حتى لُقبت بـ "أم ملك السكرة"، التي سردت حكايتها لبوابة المواطن قائلة:"بقالي خمس سنين عاملة الفرشة، بخبز، انا من الصعيد وبنعمل العيش على الفرن الطينة، هنا مفيش فرن طينة فـ اشتريت فرن عادي، واللي علمني اهلي واخوات جوزي، وليا زباين بيجو ياخدوا واكتر حاجة عليها إقبال العيش والرقاق، والفطير".

أم ملك تحرص على أن تكون المكونات ذات جودة عالية، فضلا عن النظافة، وبالتزامن مع اقتراب عيد الفطار المبارك، تخبز ألذ أنواع الكحك والبيتي فور والبسكويت، وتابعت:"بعمل كحك وبسكويت وبيتي فور في الأعياد، الناس بتجبلي الخامات وبعمل الكحك والبسكويت، والرقاق هبتدي أعمله من الأسبوع الجاي، والعيش اللي بعمله مكوناته عبارة عن خميرة بيرة وبنخل الدقيق، و بتشري دقيق بلدي ودقيق زيرو، واللي بيمز العيش بتاعي إنه عيش بيتي".