قال الإعلامي أحمد موسى، إن سعر أسطوانة البوتاجاز وصل إلى 75 جنيهًا في بعض المناطق، مضيفًا: "ده كفر، الناس تعمل إيه؟ الأنبوبة بـ8 جنيه توصل لـ75 ليه؟ إيه الجشع ده؟".

وأضاف موسى، خلال برنامج "على مسئوليتي"، على قناة "صدى البلد": "العيد داخل، واللحمة نار، والأنبوبة غليت، الناس تجيب أنابيب ولا لحمة للعيد ولا مستلزمات المدارس؟ الناس تعمل إيه؟ كل حاجة غليت".

وتابع: "الوضع بصراحة صعب، وموضوع الأنابيب ده لازم يتحل قبل العيد، لازم المسئولين يطلعوا يقولولنا إيه سبب المشكلة".